ضع اعلانك هنا ضع اعلانك هنا
ضع اعلانك هنا ضع اعلانك هنا


العودة   منتدى الاسماك العربى > منتدى المزارع السمكية Forum fish farms > قسم المزارع السمكية وانواعها > المزارع الزجاجية

إضافة رد
 
أدوات الموضوع انواع عرض الموضوع
قديم 03-06-2014, 08:18 PM   #11

المدير الاداري للمنتدي

 
الصورة الرمزية mfarghaly
 
تاريخ التسجيل: Dec 2010
المشاركات: 1,608
افتراضي

mr_mo_alsayed لا ادرى لماذا تختار اللون الاسود فى الكتابه رغم ان خلفية المنتدى سوداء ؟!!!!

عموما هذا ما استطعت ان افعله فى مشاركتك لتغيير اللون !!!

مازلت تؤكد كلامك السابق رغم ان الجميع ابدى اندهاشه من معلوماتك

ننتظر رأى مستر سنجام لان له الخبره الطويله فى مجال المزارع الزجاجيه
__________________
mfarghaly غير متواجد حالياً   رد مع اقتباس
قديم 03-07-2014, 07:02 PM   #12
 
تاريخ التسجيل: Nov 2012
المشاركات: 40
افتراضي

· أخي الكريم mfarghaly أولا أعزني في عدم القدرة علي التنسيق الالوان مع العلم اني مختار اللون الازرق حتي تظهر الكلام بشكل واضح
· ثانيا بالنسبة للمعلومات في معلومات موثقة اما من مطبوعات علمية او من اشخاص أثق في معلوماتهم وهم بالمناسبة أشخاص ذو خبرة كبيرة في المزارع ومعلومات شخصية عن تجربة
· وأحب اقول لحضرتك ان من ضمن الاسباب عدم تطور هذة الهواية إلى منظومة تجارية ان اصحاب المزارع يعتبرون ان طرق التربية وقصر مدة الدورة هي من أسرار المهنة والسبب الاخر الذي نختلف عنة عن الدول الاسوية انهم يهتمون بأدق التفاصيل التي جعلت هذة التجارة غير قابلة للمنافسة معهم ومع قدرتهم علي انتاج اكبر كمية بأعلي المواصفات
· وأخيرا أتمني النجاح لكل أعضاء المنتدي الكرام وهذة المعلومات متاحة للجميع وتوضيح أرائهم وأختلاف الرائي لايفسد للود قضية
mr_mo_alsayed غير متواجد حالياً   رد مع اقتباس
قديم 03-07-2014, 11:56 PM   #13

مشرف منتدى اسماك المياه العذبة

 
الصورة الرمزية singam
 
تاريخ التسجيل: Jun 2011
المشاركات: 1,771
افتراضي

يا مستر محمد حضرتك الخيير والبركة واستاذنا كلنا واحنا تلامذة مواضيعك اساساوفى مدرسة حضرتك نقعد فى اخر تختة فى الصف .. ربنا يباركلنا فيك وفى حبيب الكل مستر جانكو

استاذ mr_mo_alsayed لو النص الاخير من كلامك مظبوط والله ما كان حد رباها اساسا وكنت لقيت الاسعار نار للسورد
حضرتك عضو معانا يعنى اخ لينا فى الاول والاخر ورئيك يحترم وع العين والراس وعشان متحسش اننا بنهاجمك او حاجة سنغلق النقاش ونكتفى بتوضيح بعض الامور للاعضاء وللاى حد بعد كدة بقرا الموضوع بعيداا عن كلام المواقع الاجنبية وكلام الانشاء او كلام المستوردين مش عايزين حد يزعل هههه اللى عايزينك تفكر وتشتغل فى حاجة معينة والاشاعات زى النوع كذا بينزل منة انواع ذكور بس والنوع الفلانى عقيم والنوع العلانى مش بتفرخ ...احنا بنتكلم من واقع عملى ع الطبيعة ونتيجة تجارب حقيقية شايفنها بعنينا
ندخل فى المفيد
فترة الحمل لكل الولود من 21يوم الى 30 يومومش عايز اقولك ممكن من 18يوم كمان للانها استثناء
ايضا فى المولى العادى بأنواعة قد تزيد فترة الحمل عن الشهر وتصل الى 35يوم اماالمولى البالون فهو اطول فترة حمل بين كل الانواع ففترة حملة تصل الى 50و55 يوم
اقل عدد للام من السورد عمر 3شهور لسة بالغةوبطنها صغيرة ومش حجم وصحتها على ادها 20 زريعة فما هو اكثر ولاكن ليس اقل وكل ما كبرت السمكة وكبر حجم البطن زادت الزريعة وكل بطن بترمى اكتر من اللى قبلها
وفى امهات احجام جامبو بترمى 200 زريعة واكثركمان

حسب حساباتك كمثاااااال
انة اشتغل ب 800 ام لا خلية يشتغل ب 400 ام بس وحظة وحش وكل الامهات بترمى 30زريعة بس كمتوسط بلاش 50ولا 60 ولا90
وعامل حساب ان مش كل الامهات حتكون شايلة وحوامل لاكن ححسبها الام الشغالة شايلة اللى مش شغالة
400* 30 = 12.000زريعة سمنهم وكبرهم شهرين ونص لا 3شهور يعنى سمكة ممكن تشتغل وقربت ع البلوغ والذكور سيفت
وطلع السمكة ب2جنية بس بلاش اكتر لانها سمكة احواض زجاجية وليها زبونها اللى فاهم
12.000* 2 = 24.000 جنيية
خلية حيأكل ويخرب الدنيا كل يوم علبة دود بلاش ب 40او 50 نقول ب60 جنية
60* 30 يوم = 1800 فى الشهر
1.800 * 3شهور = 5.400 جنية
24.000 - 5.400 = 18600 صافى ربح
نشيل منهم تكلفة شراء الاسماك
400 سمكة * 5 جنية بزيادة اوى = 2000
18.600 - 2000 = 16.600
16.600 صافى ربح بعد 3شهور وشيل 1.600فواتيير كهرباء ومية وموبيلات و قهوة وشاى وواجيب مع التجار 15.000 صافى ربح لشغل 3شهور للاى شاب الايام دى كويس جدااااااااااا بس ربنا يديمها

مشروع المزارع الزجاجية ناااجح وفاتح بيوت ناس كتيير سواء تفريخ او تسمين بشرط ايدك فى المزرعة دايماااا متابعة وادارة (على الاقل تواجد بالمزرعة للرعاية 3 :4 ساعات فى اليوم )

اخى ahlawy22
اولا ابعد تماما عن الجوبى هذة الايام الى ان يمر فصل الربيع لو جبت جوبى اغلبة حيموت الان ولاحظ مواضيع قسم العيادة الايام دى والفترة الجايةوالسنين اللى فاتت بنفس الوقت من كل عام وانتة حتعرف
ارشح تركيزك على سمكة السوردتيل وتخصص فيها افضل لك
فى طرق كتير للشغل وادارة المزرعة انا ميل الى هذة الطريقة وانصحك بالاتى
حضرتك حتخصص 4 او 5 أحواض اصول
ممكن تبتدى 300 (75 ذكر و225 نتاية ) العدد دة مناسب للامكانياتك الان والافض تزود استاندات تانى بعد كدة وتزود اصول حتى لو من انتاجك

* الذكور بحوض واحد شبابات عمر صغير عشان تكون نشيطة
* الالوان الغامة بصفة عامة بياعة ومطلوبة من الزبائن اللون الاحمر يكون احمر مش برتقالى الاسود غامق جدا الالوان اساسية وثابتة والاهم الوان الذكور ولا يهمك الوان الاناث بنفس الدرجة
الاناث تقسم على 4 أحواض بحد اقصى 40 ام بكل حوض وتسيبها تغسل بطنها وتفضى اى زريعة فيها تماماومش مهم الزريعة اللى تنزل عاشت مع الامهات خير وبركة اتاكلت مش مهم غذاء وبروتين للامهات
الى ان تصبح كل الاناث بدون حمل نهائى بعد شهر او اكتر مش مهم
كدة تضمن ان شاء الله تلقيخ اغلب او كل الامهات بوقت متقارب وبالتالى ولادة بوقت متقارب ايضا
بعد التأكد من ان كل الاناث بدون حمل ستقوم بتوزيع الذكور على احواض الاناث لمدة اسبوع او 10ايام لتتم عملية التلقيح للاناث بكل حوض وارفعها تانى وارجعها لحوضها كدة مهمتها انتهت تغذية وتغيرات ماء وتجهيز للوش اللى بعدة

كدة الاناث قعد معاها الذكور اسبوع او 10ايام وتم التلقيح نتركها 10ايام كمانبنفس حوضها وبعدين ترفعها الى احواض التفريخ داخل الحضانات وتسيبها 10ايام كمان لضمان ان كل الاناث فرغت او تمت الولادة للكل ان شاء الله
بعد كدة يتم رفع الامهات وارجاعها لحوضها مرة اخرى وغسل الحضانة ووتطهيرها للاستعمال المرة القادمة
تخصص الاحواض للزريعة وكل 3ايام اخف الاعداد واوزعها على باقى الاحواض الفاضية لبدء مرحلة التسمييين
كل ما توزع الاعداد على الاحواض وتوفر مساحة كل ما تختصر مدة التسمين وتحصل على نمو اسرع بشرط حفاظ على تغيرات الماء
تجهيز 4حضانات كبيرة اجناب زجاج وارضية شبك تل او شبك بتاع الفاكهة
مقاسات الحضانات 80طول *30عرض*25 او 28 ارتفاع
الحضانات دى واسعة للاعطاء الاسماك حرية للحركة (اكنها بحوض داخل حوض اخر ) كدة حتتجنب الاجهاد للاسماك لو طالت فترة الولادة

الفلترة بالمزارع اسفنجية سواء فلتر مستورداو بلدى (الاسود المنتشر او الفلتر البلدى العادى ابو سيكشن )
اى حوض سواء زريعة او امهات او احواض تفريخ فلترين بالحوض
تغيرات الماء
لابد من وجود مجموعة من البراميل الكبيرة لتخزين المياة كميات كبيرة
تغيرات الماء يوم بعد يوم مناسب جداا كمية 15% من ماء اى حوض ماعد الزريعة لها نظام لما توصلة نتكلم
ملحوظة هااااااااامة جداااا
اى نقل للاى سمكة من حوض للاخر لابد من تدريج الماء لها وتعامل مثل اى سمكة جديدة لسة شاريها
الكلام ماشى على الزريعة وعلى نقل الامهات من حوض للاخر وعلى نقل الذكور للاحواض التلقيح ورجوعها لحوضها مرة اخرى اى حركة للاسماك للان ( هو دة اللى بيموت السمك عند الناس تغيير الكمياء والحرارة المفاجئ للسمكة )

لو فية حاجة تانى مش واضحة او استفسار انا معاك
ولو الظروف المادية مش مناسبة ممكن نلغى كل دة وندخل فى حاجة اقل على قدنا تسمين انجل
انوى وتوكل على الله وبأذن الله موفق

التعديل الأخير تم بواسطة singam ; 03-08-2014 الساعة 12:18 AM
singam غير متواجد حالياً   رد مع اقتباس
قديم 03-08-2014, 12:08 AM   #14

المدير الاداري للمنتدي

 
الصورة الرمزية mfarghaly
 
تاريخ التسجيل: Dec 2010
المشاركات: 1,608
افتراضي

اقتباس:
وأختلاف الرائي لايفسد للود قضية
اكيد طبعا اخى الكريم نحن ذكرنا من قبل ان الموضوع هو عباره عن دعوه للحوار لمن لديه تجربه سابقه فى مجال المزارع السمكيه وكلنا هنا لكى نتعلم من بعض ونستفيد من بعض

اقتباس:
· ثانيا بالنسبة للمعلومات في معلومات موثقة اما من مطبوعات علمية او من اشخاص أثق في معلوماتهم وهم بالمناسبة أشخاص ذو خبرة كبيرة في المزارع ومعلومات شخصية عن تجربة
الان سأرد عليك من خلال خبرتى فى تربية اسماك الزينه فى انواع المزارع الزجاجيه والاسمنتيه والترابيه والتى تزيد عن 30 سنه او اكثر قليلا ... بس لسه شباب يعنى

فى اول حياتى فى هذا المجال بدأت فى الاحواض الزجاجيه بحوض واحد فقط مثل اى هاوى وكان المتاح ايامها الولود وكان اللى بيفرخ ولود مثل الذى يفرخ الديسكس مثلا فى ايامنا هذه نظرا لقلة المعلومات عن التفريخ ( طبعا ليس مثل هذه الايام فكل البيانات عن اى سمكه متاحه ) ثم اصبح اثنان ثم ثلاثه ثم ...... الى ان فكرت فى انشاء مزرعه زجاجيه ومن خلال هذه السنوات تأكدت لدى قاعدة معلومات عن كل شيئ فى المزارع الزجاجيه (التى يطلقون عليها الخبره ) ومن ضمن هذه الخبره عرفت ان دورة تسمين الولود 90يوم ( لوحابب تزود المده وتكبر السمكه انت حر طبعا ولكن بالنسبه للوقت والحجم السمكه وصلت لحجم التسويق )

اقتباس:
· وأحب اقول لحضرتك ان من ضمن الاسباب عدم تطور هذة الهواية إلى منظومة تجارية ان اصحاب المزارع يعتبرون ان طرق التربية وقصر مدة الدورة هي من أسرار المهنة والسبب الاخر الذي نختلف عنة عن الدول الاسوية انهم يهتمون بأدق التفاصيل التي جعلت هذة التجارة غير قابلة للمنافسة معهم ومع قدرتهم علي انتاج اكبر كمية بأعلي المواصفات
طالما الموضوع دخل فى الحيز التجارى يبقى زيك زى غيرك عايز تكسب يعنى من مصلحتك تقلل الفتره علشان تكسب مش كده ولا ايه ؟
تانى حاجه السوق الاجنبى يختلف عننا علشان السعر غير السعر يعنى السمكه ام جنيه اللى حضرتك بتنتجها الخواجه بيبيعها بدولار يعنى مافيش وجه مقارنه بيننا وبينه
واللى بيحكمك هو سعر السوق وليس التميز لان فى النهايه الكل بيتساوى فى السعر
__________________
mfarghaly غير متواجد حالياً   رد مع اقتباس
قديم 03-08-2014, 12:18 AM   #15

المدير الاداري للمنتدي

 
الصورة الرمزية mfarghaly
 
تاريخ التسجيل: Dec 2010
المشاركات: 1,608
افتراضي

اهو استاذ سنجام كمان شرفنا بالرد وفى وقت واحد ردينا عليك يارب تكون اقتنعت ههههههههه
__________________
mfarghaly غير متواجد حالياً   رد مع اقتباس
قديم 03-08-2014, 12:27 PM   #16

مشرف قسم اسماك المياه العذبة

 
الصورة الرمزية Mohamed El-Awamry
 
تاريخ التسجيل: Jan 2012
الدولة: Cairo - Assiut
المشاركات: 1,150
افتراضي

كل الشكر للاخ حامد و الاستاذ محمد فرغلي علي الردود الوافية

ولا يوجد ما يقال غير نقطة واحدة وهي الاهم في الموضوع .. التسويق

فنجاح الموضوع من عدمه يعتمد علي هذه النقطة , فعليك معرفة قدرتك علي التسويق قبل الانتاج , فربما كان انتاجك اكثر من قدرة التسويق لديك , فهنا تحدث الخسائر لا قدر الله , وان كانت تجربتك الاولي فابدا باقل عدد ولا تسعي للربح من اليوم الاول , حتي تتقن العملية وتتميز بالاحجام و الالوان , حينها سيأتي الربح

تحياتي
__________________
(Mohamed El-Awamry)
Mohamed El-Awamry غير متواجد حالياً   رد مع اقتباس
قديم 03-08-2014, 12:58 PM   #17
 
الصورة الرمزية madohamada
 
تاريخ التسجيل: Nov 2013
المشاركات: 70
افتراضي

مشكورين عالمعلومات القيمه دي وشئ مش جديد من حضراتكم ربنا يجعله في ميزان حسناتكم ان شاء الله
madohamada غير متواجد حالياً   رد مع اقتباس
قديم 03-08-2014, 03:51 PM   #18
 
تاريخ التسجيل: Oct 2013
المشاركات: 57
افتراضي

الحمد لله الموضوع اصبح عبارة عن مرجع للمعلومات القيمة
الف شكرا لكم جميعا وجزاكم الله كل خير
شكراااااااااااا احبائي
ahlawy22 غير متواجد حالياً   رد مع اقتباس
قديم 03-08-2014, 09:31 PM   #19
 
تاريخ التسجيل: Nov 2012
المشاركات: 40
افتراضي

· أستاذانا الكبير singam أحب ان أشكر حضرتك علي هذة المعلومات القيمة التي أستفدت منها شخصيا وأحب ان أقول لحضترك اني أحول جاهدا ان أصل للمعلومات التي تساعدني ان أتطور في هذا المجال والشكر لكل من ساهم بمعلومة او رد
mr_mo_alsayed غير متواجد حالياً   رد مع اقتباس
قديم 03-09-2014, 01:39 AM   #20

مشرف منتدى اسماك المياه العذبة

 
الصورة الرمزية singam
 
تاريخ التسجيل: Jun 2011
المشاركات: 1,771
افتراضي

اقتباس:
المشاركة الأصلية كتبت بواسطة mr_mo_alsayed مشاهدة المشاركة
· أستاذانا الكبير singam أحب ان أشكر حضرتك علي هذة المعلومات القيمة التي أستفدت منها شخصيا وأحب ان أقول لحضترك اني أحول جاهدا ان أصل للمعلومات التي تساعدني ان أتطور في هذا المجال والشكر لكل من ساهم بمعلومة او رد
لا شكر على واجب مفيش فرق الكل واحد واحنا بنكمل بعض ودة دورنا والشكر لصاحب الموضوع وللاساتذتنا والادارة
singam غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع