ضع اعلانك هنا ضع اعلانك هنا
ضع اعلانك هنا ضع اعلانك هنا


العودة   منتدى الاسماك العربى > منتدي تجهيز وصيانة واعداد الاحواض العذبة Forum Processing New Aquarium > قسم المواضيع والاستفسارات العامة للاسماك

إضافة رد
 
أدوات الموضوع انواع عرض الموضوع
قديم 10-17-2013, 11:43 PM   #1

المدير الإداري العام

 
الصورة الرمزية Mr.jancoo
 
تاريخ التسجيل: Apr 2010
الدولة: Suez city
المشاركات: 22,649
019 خواطر هاوي سمكاوى ( 4 )

احبائي اعضاء منتدى الاسماك العربي الكرام استكمالا لخواطر هاوي اليوم اتعرض لموضوع انتشر في كثير من المواقع والمنتديات والفيس بوك ايضا الا وهو الغش والنصب والاحتيال

تعرض الكثير من الهواة لهذا الموقف وضاعت اموالا واحيانا يستردها واحيانا تضيع من سلعة او كائن لا يستحق هذا المبلغ واليوم سنتعرض لطرق الغش والنصب التى قد يقع بها الكثيرين ويكونوا ضحية ابدء حديثي بالبلدي زي ما بيقولوا


النصابين طبعا انواع منهم نصابين عندهم ضمير شوية وحبة اخلاق ومنهم اللى لا فيه ضمير ولا اخلاق

نيجي للي عندهم شوية ضمير وحبة الاخلاق وده بينصب بالكلام المعسول ويعمل البحر طحينة لحد ما تيجي رجلك وتلبس في الحيط ازااااااااااااااي






الاول اعلان محترم يتوافر جميع انواع اسماك الزينة رسايل مستوردة والوان وفرز اول والسمك نفسه بينور في الحوض تمام يا عم صورتين 3 من النت والزق الاعلان
دخل حبايبنا الاعلان اللي عايز واللي بيحجز واللى محتاج 100 سمكة واللي عايز 1000 سمكة طبعا الباشا اتصالات شغالة نار اسأله السمك تمام طيب بياكل ايه وكده وظروفه وحجمه يقول الاحجام جبارة السمك بياكل كبدة ولحمة وبوفتيك كمااااان ماشي يا سيدي طيب عايز كمية !!!! 100 فل و 14
يبدأ الباشا يجمع العدد وينزل السوق والمحلات ويلم الكام سمكة ويجمع العدد والسمك نفسه في الكيس ما يعرفش بعضه ههههههه ... كتر خيرك يا عم طبعا لا شاف اللحمة ولا الكبدة الا في العيد الكبير بس
يبدأ التجهيز والمقابلة طبعا هنا انت اخدت سمك و دفعت فلوس يبقي عداك العيب يا صاحب السمك واللى اشتري يروح البيت الله مش ده السمك اللي انا متفق عليه اصل الالوان رايحة اصل السمك عنده جفاف هوب انا اتنصب عليا تتصل بالباشا ما يردش أما انه يكون رمي الخط اساسا لو كلمك ورد يقولك المشكلة عندك انا مديك السمك زي الفل ولا اعرفك
طيب والحل انك تعاين سمكك على الطبيعة وهو جوه احواضه وتحضر لم العدد
طبعا بقي اول ما تقوله عايز اقابلك واجي اتفرج كل الحوار يتغير اصل انا جبت السمك اصل انا مش في المزرعة اصل عندي ظروف طارئة ويوسع الحوار يبقي انصحك تكنسل الليلة وتعرف ان صاحبك سمسار سمك في المحلات بيلم سمكتين من هنا وهنا وياكل عيش وده اللي بنقول عليه عنده ضمير شوية لان بتاخد شغل بس مش قد كده





النوع اللي مفيش ضمير بقي وده الاخطر
يقولك انا راجل مستورد وعندي كل انواع السمك والحوار اياه ماشي يا سيدي وصاحب مزرعة كبيرة في الشرق الاوسط في الاخر هو يدوب حوض فيه كل انواع السمك اللي ممكن تشوفها وتتربي مع بعض ولما تسأله عن دوره بيولوجية للاحواض تبقي انت جاى من كوكب الماو ماو
وده بقي أما بيشتغل مع محلات وده مش عيب او مزارع وياخد الشغل جملة ويشغل نفسه او انه بيشتري العروض من المنتديات ويشغل بيها ناس تانية برده مش عيب يا سيدي كله بالحلال وبما يرضي الله
الكارثة اللي بتحصل احيانا بقي الوثوق في الشخص رغم انك ما اتعاملتش معاه ولا تعرفه اساسا طبعا يتم عمل اعلان وعرض والسمك والحكاية والنوادر وفيلم هندي مدته 10 ساعات أما في الاعلان او في التليفون من هنا يبدأ حوار النصب اللي على كبير
ايه هوه بقي ؟؟؟؟؟؟؟؟؟ انا طالب شغل بصفتك مستورد بقي وهتجبلي شغل محترم وفرز اول الباشا يقولك طيب ابعتلي نص المبلغ والنص عند التسليم هنا بقي لازم توقف وتفكر انا اعرف الشخص هل ليه مكان ... محل / مزرعة / مكتب / اخدت ما يثبت انك دفعت فلوس ؟؟؟ لا بس هوه شكله راجل محترم اقولك كل النصابين شكلهم حلو يا عم الحاج وهنا لازم تفكر مفيش مكان مفيش حاجة تثبت انك دفعت فلوس يبقي اقولك بكل فخر القانون لا يحمي المغفلين





طيب على افتراض اني واثق في الشخص وانه شغال عامل مزرعة على قده ماشي يبقي الدفع باحد الوسائل اما حوالة بالبريد او على رقم حساب الشخص نفسه ليه بقي ؟؟؟ ضمان لحقك وازاااااااااي تعرف توصل للشخص بعد كده لان اللي هيستلم هيستلم ببطاقته الشخصية
والسبب اننا شوفنا ناس دفعت فلوس وراحت عليها لا اخدت فلوس ولا سمك يبقي هنا بنحذر ما تدفعش فلوس لحد الا بالطريقتين مفيش طريقة يبقي وفر فلوسك بدل ما يتنصب عليك
طبعا الكلام مش على السمك بس الكلام على أي كائن او سلعة معروضة للبيع سواء في المنتدى او في أي سوق اخر
واحب انوه لشيئ مهم بشوفه علشان الناس تفهمه بعض الناس تلاقي مذكور كلمة والسمك فرز اول اولا أي سمك فرز اول سعره هيكون مرتفع واعلى من أي سعر سمكة رسالة متوفرة بالسوق غير انها ليها مواصفات في الالوان والحجم والصحة يعني على سبيل المثال لو سمكة المولى الفرز العادي بيجي حجمها 5 – 6 سم المفترض ان يكون الفرز الاول حجمه من 7 – 8 سم والالوان توب وعمر سعرها ما هيبقي 3 – 4 جنية ابدا علشان الناس بيعدي عليها الموضوع ده والفرز الاول بيطلب بالطلب يعني مش بيجي الفرز الاول لارتفاع سعره .... طبعا هناك امور لا يصلح الخوض فيها لانها اسرار مهنية للكثير من المستوردين
المهم كده ذكرنا طرق النصب والاحتيال اللي ممكن تحصل واللي حصلت بالفعل وزادت في الفترة الاخيرة وعلينا ان ننوه ونحذر
ولهذا داخل السوق نقوم بالتضييق على الاعضاء في المواضيع من وضع الصور ومكان التسليم ووسيلة الاتصال حفاظا على حقوق الاعضاء وحق البائع في عدم التشكيك به ولقد نوهنا ان أي موضوع بالسوق لا يتم اعتماده لاي سبب فتأكد انه من اجل مصلحتك اولا حتى لا يشهر بصاحبه ظلما او يتم ظلم وضياع حق المشتري
اخيرا ارجو من ممن سيشارك بالموضوع عدم وضع أي تشهير بأي شخص ولا ذكر أي اشخاص او اسماء ولكن لا مانع من ذكر تجربة او موقف ليتعلم ويستفيد الجميع من الموضوع






والسلام عليكم ورحمة الله وبركاته
__________________


المدير الإداري العام
Mr.jancoo غير متواجد حالياً   رد مع اقتباس
إعلانات
قديم 10-18-2013, 01:30 AM   #2
سمكاوى
 
الصورة الرمزية cichlid lover
 
تاريخ التسجيل: May 2012
المشاركات: 238
افتراضي

والله اخي محمد كفيت ووفيت ولكن للاسف اكثر النصب يكون عن طريق الشحن
في حين يستحيل المعاينة في الاحواض وتعتمد على الفيديو فيصورلك سمك ويبعت حاجة شبهه او يصوره من جنب يبان انه سليم وهو في الجنب التاني عنده جرب
cichlid lover غير متواجد حالياً   رد مع اقتباس
إعلانات
قديم 10-18-2013, 01:49 AM   #3

المدير الإداري العام

 
الصورة الرمزية Mr.jancoo
 
تاريخ التسجيل: Apr 2010
الدولة: Suez city
المشاركات: 22,649
افتراضي

احنا قولنا لما تتعامل مع حد لاول مرة لازم تروح تشوف وتعاين حاجتك وتتأكد من مصدر البيع علشان تقدر تتعامل بعد كده انما اتعامل بالشحن على حاجة ما شوفتهاش صعب واتفقنا لا تضع الثقة مع احترامي الكامل لكل شخص محترم وعنده ضمير
__________________


المدير الإداري العام
Mr.jancoo غير متواجد حالياً   رد مع اقتباس
قديم 10-18-2013, 02:33 AM   #4

مشرف قسم صيانة وتجهيز الاحواض

 
الصورة الرمزية ابو فارس
 
تاريخ التسجيل: Sep 2011
الدولة: alex
المشاركات: 1,549
افتراضي

_ ايوه خط احمر عند كلمة شحن دية كفايه ان انت مش بتشترى سمك فى ميه لا ده انت بتشترى سمك ما شفتهوش , طبعا فيه ناس شغاله مع ناس بتاخد منها عن طريق الشحن ومافيش مشاكل لكن بيكونو معرفه او سمعه وياسلام بقى لما الواحد يبعت نص الفلوس عربون لواحد ما يعرفهوش فيه ناس كتير عندها ضمير وفيه ناس كتير ما تعرفهوش .
ابو فارس غير متواجد حالياً   رد مع اقتباس
قديم 10-18-2013, 03:18 AM   #5

المدير الاداري للمنتدي

 
الصورة الرمزية mfarghaly
 
تاريخ التسجيل: Dec 2010
المشاركات: 1,608
افتراضي

طبعا الموضوع جميل وجه فى وقته زى ما بيقولوا

لن ادخل فى تفاصيل ولكن ارجوا ممن يتسوقون عبر المنتديات ان يتوخوا الحذر الف مره قبل الشراء

وهذه نصيحه عامه للجميع بلا استثناء

وهذا الكلام لابنطبق على من تعاملت معهم من قبل ووفوا بعقودهم معك حتى لانعمم القاعده على الجميع
__________________
mfarghaly غير متواجد حالياً   رد مع اقتباس
قديم 10-18-2013, 09:08 AM   #6
سمكاوى نشيط
 
تاريخ التسجيل: Feb 2011
الدولة: المنصورة
المشاركات: 246
افتراضي

السلام عليكم ورحمة الله وبركاته

فعلا يا اخ محمد انت كدا جبت المفيد الاكيد فى الموضوع دا

تحياتي لك ولشخصك الكريم ولمجهودك العظيم فى تنمية ورعاية الهواية
__________________
فالخير كل الخير في إتباع من سلف والشر كل الشر فى إبتداع من خلف
mr-a غير متواجد حالياً   رد مع اقتباس
قديم 10-18-2013, 10:06 PM   #7
سمكاوى
 
الصورة الرمزية هاوي الطبيعة
 
تاريخ التسجيل: Jul 2012
الدولة: القاهرة
المشاركات: 164
افتراضي

تحياتي لك مستر جانكو خواطر هادفة من ارض الواقع ننتظر جديدها باستمرار , وراي في الموضوع ان نشوف مشاركة البائع في المنتدي وطريقة معاملته وحواره في كافة المواضيع وهتبين جزء من شخصيته واخلاقه اما لو كان عضو جديد فالحذر واجب
هاوي الطبيعة غير متواجد حالياً   رد مع اقتباس
قديم 04-02-2015, 01:02 AM   #8
سمكاوى
 
تاريخ التسجيل: Feb 2015
المشاركات: 192
افتراضي

تشكر اخي الكريم
salahshow غير متواجد حالياً   رد مع اقتباس
إضافة رد

الكلمات الدلالية (Tags)
الاحتيال, السرقة, طرق النصب والاحتيال

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع